Малата островска држава позната како Науру, која се наоѓа во Тихиот Океан, официјално го усвои името Република Наоеро.
Локалниот парламент одобри уставен амандман за враќање на традиционалното име кое се користело во претколонијалните времиња.
„Република Наоеро е новата официјална ознака за она што претходно беше познато како Науру. Скратената форма ќе биде Наоеро, со ажуриран код во NRO, а народот ќе се нарекува деи-Наоеро“, се вели во соопштението на владата.
Одлуката на владата има за цел да го почитува наследството и идентитетот на локалното население, бидејќи терминот Науру се прошири на меѓународно ниво, делумно поради тешкотиите што странците ги имаа при изговорот на домородното име.
Процесот вклучува и меѓународни институции, при што кодот на државата се менува од NRU во NRO и се ажурира регистарот за граѓани. Како отсега ќе се нарекуваат жителите на оваа земја на македонски јазик (досега беа Наурци) ќе треба официјална потврда оти владата на Наоеро побара тие да бидат меѓународно условувани како деи-Наоеро.
Наоеро е третата најмала држава во светот со површина од само 21 квадратен километар. Трета најмала е и по бројот на жители, однос 12 илјади.
Науру долго бил населен од Микронезијци пред да биде откриен од британскиот капетан Џон Ферн со бродот Hunter во 1798 година.
Островот бил анектиран од Германија во 1888 година и со германското владење почнало и ширењето на името Науру. По поразот на Германија во Првата светска војна, во 1923 година Друштвото на нациите го дало Науру на управување на Австралија, додека Обединетото Кралство управувало со наоѓалиштата на фосфат, со кои изобилувал островот.
На 31 јануари 1968 година Науру станал независен, отцепувајќи се од Австралија. По независноста го усвоил англиското име Науру, но сега, 58 години подоцна, одлучи да сиу го врати домородното оригинално име. Покрај наурскиот јазик, кој припаѓа на астронезиската група на јазици, на островот официјален е и англискиот.
Интересно, Науру официјално нема главен град, но за таков де факто се смета Јарен оти таму е парламентот. Најголем град на островот е Денигомоду.
