Американскиот сенатор Берни Сандерс остро го критикуваше израелскиот премиер Бенјамин Нетанјаху, обвинувајќи го за поттикнување на САД во војна со Иран, пренесува Анадолија.
„Нетанјаху е екстремист кој уби 75.000 луѓе во Газа. Екстремист кој рече дека инвазијата на Ирак ќе има 'огромни позитивни последици'. Екстремист кој со децении ги поттикнува американските претседатели да војуваат со Иран“, напиша Сандерс на X.
„Конечно најде претседател кој рече 'да'. Трагично“, додаде тој, алудирајќи на претседателот Доналд Трамп.
Netanyahu is the extremist who killed 75,000 in Gaza.
— Bernie Sanders (@BernieSanders) March 5, 2026
The extremist who said invading Iraq would create "enormous positive reverberations."
The extremist who has pushed U.S. presidents to go to war with Iran for decades.
Finally, he found a President who said yes.
Tragic.
Нападите на САД и Израел врз Иран започнаа на 28 февруари, при што беа убиени врховниот лидер ајатолахот Али Хамнеи и високи безбедносни функционери. Шест припадници на американски сили беа убиени, а неколку беа сериозно ранети. Иран возврати со напади врз Израел и земјите во регионот каде што се наоѓаат американските бази.
Нетанјаху ги отфрли тврдењата дека Израел ги турнал САД во војна со Иран, нарекувајќи ги обвинувањата „смешни“.
„Доналд Трамп е најсилниот лидер во светот. Тој прави она што мисли дека е исправно за Америка. Тој прави и она што мисли дека е исправно за идните генерации“, рече Нетанјаху во интервју за Fox News во вторникот.
