Втор бран израелски напади, „обезглавено“ иранското воено раководство

Израел во петокот наутро соопшти дека го нападнал Иран, а иранските медиуми објавија дека во Техеран се слушнале експлозии, додека се зголемувале тензиите околу напорите на САД да го обезбедат договорот на Иран за запирање на производството на материјал за атомска бомба.

Израелски воен претставник изјави дека Израел напаѓа „десетици“ нуклеарни и воени цели.

Израел соопшти дека прогласува вонредна состојба во очекување на нападите со ракети и беспилотни летала од страна на Техеран. Во меѓувреме, израелските медиуми објавија дека ги собориле сите стотина беспилотни летала.

Втор бран експлозии се слушнал во северозападен Иран, објави иранската државна телевизија.

Reuters објави дека во израелските напади врз Иран загинале најмалку 20 високи ирански команданти, вклучувајќи го и шефот на ракетната програма на Револуционерната гарда, Амир Али Хаџизадех, повикувајќи се на два регионални извори.

MVEP потврди дека сите вработени во амбасадите во Техеран и Тел Авив се „безбедни“

По два брана израелски напади врз Иран и една одмазда од таа земја, ИДФ објави мапа на нападите со беспилотни летала досега.

Израелските воздухопловни сили продолжуваат со нападите врз Иран, изјави портпаролот на ИДФ, бригаден генерал Ефи Дефрин, на прес-конференција.

„Во овој момент, ИДФ продолжува да го спроведува планот за напад за да ги постигне целите на операцијата, со силната одбрана на Израел“, рече тој, според Times of Israel.

На прашањето колку дена Израел очекува активност со балистички ракети од Иран, Дефрин одговори: „Операцијата штотуку започнува“, додавајќи дека војската ги следи плановите на Иран и „се подготвува за ирански одговор“.

Во меѓувреме, сателитските снимки наводно покажуваат значителна штета во нуклеарниот објект Натанц.

Најмалку 20 високи ирански команданти се убиени во израелските напади врз Иран, објави Ројтерс, повикувајќи се на два регионални извори. Меѓу загинатите е и Амир Али Хаџизаде, раководител на ракетната програма на Иранската револуционерна гарда.

Исто така, како што беше претходно објавено, загина и врвниот командант на Иранската револуционерна гарда, Хосеин Салами, како и началникот на штабот на вооружените сили, Мохамед Багери.

Иранските државни медиуми објавија дека еден од најблиските советници на врховниот лидер ајатолахот Али Хамнеи е исто така ранет во нападите. Според извештајот на АФП, иранската државна телевизија објави: „Али Шамкани, советник на врховниот лидер... е повреден во денешниот напад на ционистичкиот режим“.

Израелскиот министер за одбрана Израел Кац рече дека поголемиот дел од командата на воздухопловните сили на Револуционерната гарда е елиминирана во израелските напади. Тој рече дека тие се состанувале во подземен команден центар кога биле погодени.

Ова е најтешкиот удар врз врвот на иранскиот воен апарат во последните години, а деталите за бројот на жртви и обемот на нападот сè уште се собираат.