Легендарниот јапонски фудбалер Казујоши Миура неодамна се врати во европскиот фудбал на 56 години, а сега на интернет се појави видео како изгледа кога човек на таа возраст игра фудбал.
Миура е најстариот професионален фудбалер во историјата. Изненадувачката вест неодамна се покажа како вистинита, а тоа е дека овој повеќе од искусен Јапонец се враќа во европскиот фудбал.
Тој потпиша за португалскиот второлигаш Оливејренсе. Таму пристигна, поточно, на позајмица од јапонска Јокохама. Сепак, тој сѐ уште нема заиграно за овој клуб, но изминативе денови на YouTube се појави видео од неговите потези од теренот кога последен пат играше.
Миура го одигра својот последен натпревар пред нешто повеќе од една и пол година. Компилацијата од неговите потези е снимена кога имаше 55 години, а како изгледа кога човек на таа возраст е на теренот, погледнете во прилог.
Интересно е што компилацијата, која беше објавена на YouTube минатиот месец, веќе собра 2,5 милиони прегледи и стана вирална.
Позајмениот од Јокохама е последниот активен фудбалер кој се појавил на популарната игрица „FIFA 96“.
Кариерата ја започна далечната 1986 година, а од попознатите клубови играше за бразилските Сантус, Палмејрас и Куричиба, загрепски Динамо, јапонбските Верди Кавасаки, Висел Кобе и Кјото, италијанска Џеноа и австралиски Сиднеј. За јапонската репрезентација одигра 89 натпревари и постигна 55 голови, но никогаш не заигра на Мундијал.
