Викендов почнува пролетниот дел од фудбалската лига

Фудбалот во земјава се буди од зимскиот сон, а први мразот ќе го скршат прволигашите кои викендов ќе го одиграат 19. коло.

Тимовите на Академија Пандев и Работнички ќе ја имаат честа да ја отворат пролетната полусезона откако нивната пресметка беше одбрана да биде единствен саботен натпревар со кој и ќе стратува пролетниот дел. Овој дуел ќе биде и пренесуван во живо на МРТ3 од 14:00 часот.

Стадион „Пандев“ во Струмица
Академија Пандев - Работнички

Останатите пет натпревари се закажани за в недела, исто така од 14 часот, а еден ќе оди и низ директен пренос. Се очекува тоа да биде традиционално најголемото македонско дерби помеѓу вечните скопски Вардар и битолски Пелистер, иако и двата клуба, а особено Вардар, не се на потребното ниво.

Недела, 14:00

Национална Арена „Тоше Проески“ во Скопје
Вардар - Пелистер

Стадион „Силекс“ во Кратово
Силекс - Шкендија

Стадион „Зоран Паунов“ во Велес
Борец - Шкупи

Стадион „Градска Плажа“ во Струга
Струга - Македонија ЃП

Стадион „Градски“ во Тетово
Ренова - Беласица

Табела:

1. Шкендија 39
2. Шкупи 33
3. Македонија ЃП 33
4. Струга 28
5. Вардар 25
6. Борец 25
7. Работнички 24
8. Силекс 22
9. Ренова 19
10. Пелистер 18
11. Академија Пандев 17
12. Беласица 9