Трикратниот победник на Ролан Гарос, Матс Виландер е воодушевен од пресвртот на Новак Ѓоковиќ во финалето.
Србинот по 251 минута игра со 0:2 стигна до победа од 6:7(6), 2:6, 6:3, 6:2, 6:4 против Стефанос Циципас.
Швеѓанeцот вели дека Новак уште еднаш ја покажа неверојатната способност да се врати во мечот и покажа дека оваа сезона е во одлична форма.
Новак е дефинитивно фаворитот за титулата на Вимблдон, но и фаворит за УС Опен.
Матс уште еднаш ја нагласи неговата психолошка стабилност.
„Тој има моќ целосно да заборави на резултатот и да ги извлече вистинските удари во вистинско време. Делува уште посвежо како што тече мечот, многу е паметен, дури и многу смирен овие денови. Делуваше непобедливо во третиот, четвртиот и петтиот сет“, заклучи Матс Виландер.