Една фотографија го подели и разбранува интернетот, а коментарите не стивнуваат.
Сарош Лоди, фотограф на див свет од Индија, лани беше на патување во Кенија, каде го посети националниот резерват Масаи Мара.
Овој резерват е познат по исклучителната популација на лавови, африкански леопарди, гепарди и африкански слонови, па Лоди навистина имал што да фотографира.
Сепак, една фотографија се издвојува од ова патување, а по нејзиното објавување на Twitter, направи вистинска бркотница.
Тој ја објави фотографијата со две зебри и постави едноставно прашање: Која од двете зебри е понапред? Таа лево или таа десно? Ова прашање се покажа потешко од она дали зебрите се бели со црни линии или црни со бели линии?
Коментари и објаснувања не недостигаат, а има и многу досетливи одговори.
Што мислите вие?
