Virgin Galactic е најпознат по развој на услуги на комерцијални летови кои туристите ќе ги превезуваат до работ на вселената со цел за неколку минути да искусат бестежинска состојба.
Но, компанијата на Ричард Бренсон има и планови за интерконтинентални летови кои би ја продолжиле традицијата на суперсоничниот авион Concorde кој последен пат превезуваше патници од Европа до Америка во 2003 година.
Инженерите од Virgin Galactic се здружија со познатиот автомобилски произведувач Rolls-Royce и заедно го претставија првиот дизајн на авионот Mach 3 кој ќе може да превезува патници со тројно поголема брзина од звукот и ќе лета на висина од 18,300 метри. Ќе може да превезува меѓу 9 и 19 патници. Би патувал со брзина од 3.704 километри на час.
По претставувањето на фазата на концептот наречен Mission Concept Review инженерите добија зелено светло од бројни експерти од аеронаутиката, вклучително и од претставници на НАСА.
Со тоа проектот премина во следната фаза на развој.