Кога станува збор за слабеење, повеќето луѓе бараат брзо решение. Знаеме дека со редовна исхрана и тренинг ќе ги постигнеме посакуваните резултати, но дали постои магично решение?
Едниот од моменталните трендови за слабеење ја вклучува комбинацијата од цимет и мед во исхраната. Оваа комбинација може да се користи во пијалаци и оброци, но дали навистина помага?
За што сè се корисни циметот и медот?
Сировиот мед го подобрува имуниот систем и ги смирува симптомите на алергија. Медот содржи феноли, енизми, флавониди и органски киселини кои се можни антиоксиданти. Циметот содржи полифеноли, кои исто така, се силни антиоксиданси. Медот и циметот помагаат во превенција на кардиоваскуларни болести, циметот го намалува лошиот холестерол.
Медот и циметот помагаат кај проблеми со варењето, како што се појавата на чиреви, констипација и мачнина. Ефикасни се против ешерихија коли и хеликобактер пилори. Исто така, циметот и медот со векови се користат за лечење акни и слични состојби на кожата, бидејќи имаат антибактериски и антимикробни својства.
Што велат истражувањата - дали оваа комбинација е добра за слабеење?
Студијата од 2017 година покажа дека состојката којашто се нарекува cinnamaldehyde може да го активира процесот на термогенеза, кога телото произведува топлина и во тој процес се согоруваат калории.
Студија од 2011 година откри дека со користење на мед наместо шеќер може да го спречите дебелеењето. Уште една студија покажа дека медот може да ги активира хормоните кои го спречуваат чувството на глад.
Сепак, ниту една студија не потврдува дека оваа комбинација со сигурност ќе ви помогне да ослабете.
