Ако барате освежителен десерт, треба да го пробате колачот со пудинг од вишни.
Овој колач се прави без брашно и не треба да се пече во рерна.
Потребни состојки:
- 500 мл сок од вишни (од компот)
- 500 мл вода
- 2 големи тегли цреши од компот (приближно 780 грама)
- 1 л млеко
- 330 гр шеќер (одвоени 250+80 грама)
- 150 гр гриз
- 2 кесички пудинг од ванила
- 250 гр путер или маргарин
- 250 мл шлаг
Подготовка:
Во тава сипете го сокот од вишни од компотот и додадете вода и 250 грама шеќер. Промешајте и варете на тивок оган. Нека зоврие. Потоа додадете ги вишните и оставете повторно да зоврие.
После тоа, извадете ја тавата и нежно вмешајте го гризот. Повторно ставете на шпорет и кога ќе зоврие варете пет минути со постојано мешање. Смесата мора да стане густа.
Кога смесата ќе згусне, истурете ја во тавче или калап со димензии 35х20 сантиметри, кој претходно сте го намачкале со путер или маргарин. Оставете да се излади на собна температура.
За тоа време измешајте го пудингот од кесичките заедно со 80 грама шеќер и додадете 12 лажици ладно млеко. Мешајте додека не се раствори шеќерот.
Остатокот од млекото истурете го во тенџере и варете на тивок оган. Кога млекото ќе зоврие тргнете го од оган и додадете ја смесата од пудинг, шеќер и млеко. Мешајте за да нема грутчиња и варете додека не се згусне пудингот. Кога пудингот е готов, додадете го путерот и мешајте додека не се растопи.
Смесата прелијте ја преку смесата со вишни и нежно распоредете ја. Оставете да се излади на собна температура. Во друг сад изматете го шлагот и премачкајте го преку колачот. Оставете го колачот во фрижидер добро да се излади пред да послужувате.
