Поранешниот шампион во бокс и сегашен градоначалник на Киев, Виталиј Кличко, се разведува од сопругата Наталија по 25 години брак.
„Одлуката за развод е заедничка“, потврди Кличко за украинските медиуми. Објасни дека со години не живее заедно со сопругата, но и понатаму се во добри односи.
„Низ годините имавме различни интереси и различни животи, сега одлучивме да го направиме тоа и официјално. И понатаму имаме добар однос, се почитуваме, децата се пораснати и животот оди понатаму“, порача тој.
Наталија и Владимир се венчаа во април, 1997 година и во бракот добија три деца. Додека боксуваше, Наталија му доаѓаше на секој меч. Го поддржуваше и во 2014 година, кога се кандидираше за градоначалник на Киев.
Наталија е украинска пејачка, инструктор по јога и медитација, но се занимава и со хуманитарна работа.