Власта за избори на 21 јуни, опозицијата против

Скопје, 23 мај 2020 (МИА) – Техничкиот премиер Оливер Спасовски, кој е од редовите на СДСМ, смета дека парлементарните избори треба да се одржат за 22 дена по завршувањето на вонредната состојба, нагласувајќи дека доколку имавме функционален парламент тогаш изборите можеа да се одржат тогаш кога ќе се договорат политичките партии и лидери. Лидерот на најголемата опозициска партија ВМРО-ДПМНЕ, Христијан Мицкоски, пак, предупреди дека избори не можат да се одржат пред 30 јули.

-Дали ќе има нова лидерска не знам, но знам дека датумот е детирминиран со Уредбата со законска сила која има важење до завршување на вонредната состојба. Ако имавме функционален парламент тогаш изборите можеа да се одржат тогаш кога ќе се договорат политичките партии и лидери. Очекувам дека во рамките на законската можност ќе имаме дијалог и преку дијалог ќе дојдеме до конечен ден на одржување на изборите, затоа што тоа е добро за државата, истакна Спасовски.

Мицкоски вчера предупреди дека дел од антикризните мерките од вториот и од третиот сет нема да можат да бидат реализирани доколку не биде продолжена вонредната состојба на 30 мај бидејќи потоа стапува во сила членот 8а од Изборниот законик, и сите вонредни исплаќања се кривично дело.

– Ако е Владата чесна во намерата и ветувањата кои се дел од вториот и од третит сет на мерки, и ако навистина сака да ги испорача тогаш избори не може да се случат шеесет дена од престанокот на воонредната состојба. Што значи ако вонредната состојба прекине на 30 мај, најкасно до 30 јули избори не може да има. Тогаш не ја говорат вистината и се лицемерни и повторно ги лажат граѓаните, рече Мицкоски.

Во однос на раговорите за парламентарните избори, Мицкоски рече дека тие ги соопштиле датумите за кои сметаат дека се најдобри за избори и дека се подготвени за компромис.

-Нашите позиции се јасни. Доколку има аргументи кои ние би можеле да ги прифатиме, ние сме тука и подготвени сме за компромис. Ние со ултиматуми не работиме. Ултиматуми кои беа кажани на масата или 21 јуни или избори без опозиција слободно нека им се со среќа, рече лидерот на опозицијата Мицкоски.

Не ги потврди информациите дека разговори има со посредство на претставници на меѓународната заедница.

– Јас немам такви информации дека има какви било мешања на претставници на меѓународната заедница во Македонија, така што претпоставувам дека и ова е еден дел од оној фоклор на шпекулации и дезинформации кои се присутни во јавноста, рече Мицкоски.

Тој вети дека по завршување на парламентарните избори, „новата влада на ВМРО-ДПМНЕ ќе го исполни сето она што било ветено како обврска за стопанството и граѓаните од страна на Владата на СДСМ“.

Според него, опозоциската партија има јасен пристап и стратегија како да се обнови државата после коронакризата.

Од СДСМ соопштија дека потребни се избори во привиот можен рок, заради заштита на здравјето на граѓаните и подготовки за новиот пик од коронавирусот на есен, за побрзо опоравување и трансформирање на македонската економија и повторно ставање во функција на институциите кои се клучни за нормално функционирање на системот. Со нов легитимитет од граѓаните, политичка Влада и Собрание.

– Не смееме да дозволиме да се нанесе штета на државата, штета на граѓаните и никако не смееме да дозволиме земјата да се воведе во уставна криза. СДСМ тоа нема да го дозволи. СДСМ е одговорна партија, ние сакавме компромис и затоа и учествуваме на лидерските средби. Но, ако ВМРО-ДПМНЕ не сака договор, ние нема нема да дозволиме штета на државата и граѓаните. Договор е можен се додека трае вонредната состојба. Ако нема договор по сила на закон датумот за избори води на 21 јуни, велат од партијата.

Вицепремиерот Бујар Османи, како претставник на политичката партија ДУИ, истакна дека тие биле единствени што не ја оцениле лидерската кај претседателот како неуспех и дека за нив тоа било почеток на дебатата за конзензус за изборите. Тоа го покажале со тоа што не отишле со вкалкулирана дата за изборите, бидејќи според нив, треба два фактора да се исполнат, а тоа е ниту еден процес да не го загрози здравјето на граѓаните и второ да се постигне консензус за изборите.

Министерот за здравство Венко Филипче посочи дека подобро е изборите да се одржат сега, отколку наесен поради тоа што во моментов постои поголема контрола врз коронавирусот.

-Сега ситуацијата за избори е поволна затоа што повеќе е под контрола отколку наесен, сега се присутни ефектите од рестрикциите од движењето, карантинот и не работат училиштата, градинките, а затворени се и границите. Сите овие три фактори надополнети со тоа што наесен би можело да значи една епидемија од сезонски грип, може значително да ја комплицира ситуацијата и такви се предвидувањата и на СЗО и на други земји, истакна Филипче и нагласи дека доколку се почитуваат мерките, изборите можат безбедно да се одржат.

Тагови
реклама

Македонија

Чулев: На земјава ѝ се потребни избори, но здравјето на граѓаните е приоритет

Read more

125 нови заразени со коронавирус, 46 се од Скопје

Read more

Филипче: Објавувањето број на новозаразени не смее да биде трка на ексклузивитет

Read more

Еден новозаболен и еден починат од COVID-19 во Прилеп

Read more

Вести

Чулев: На земјава ѝ се потребни избори, но здравјето на граѓаните е приоритет

Читај повеќе

125 нови заразени со коронавирус, 46 се од Скопје

Читај повеќе

Филипче: Објавувањето број на новозаразени не смее да биде трка на ексклузивитет

Читај повеќе

Еден новозаболен и еден починат од COVID-19 во Прилеп

Читај повеќе

Маж приведен во Скопје за навреда на полицајци

Читај повеќе

МЗ: Филипче не прикривал 20 случаи на заболени од COVID-19

Читај повеќе

Четиригодишно дете почина по пад од трактор

Читај повеќе

Маж од кавадаречко приведен за недозволено поседување оружје

Читај повеќе

Брегзит во ќорсокак – дали преговорите ќе пропаднат?

Читај повеќе