Според податоците на Eurostat, во текот на 2020 година трошоците за живот биле највисоки во Швајцарија, додека од земјите во ЕУ се издвојува Данска којашто имала највисоко ниво на цените. Поточно, дури 141% над просекот на ЕУ.
Потоа следат Ирска и Луксембург со 136%, Финска со 126%. Најниско ниво е забележано во Романија, 55% од просекот на ЕУ, во Бугарија 56% и во Полска 58%.
Истражувањето на цените е спроведено во 37 европски земји кои учествуваат во програмата за куповна моќ. Во групата земји учесници се 27 држави членки на ЕУ, три држави EFTA (Исланд, Норвешка и Швајцарија),Обединетото Кралство, пет земји кандидатки (Албанија, Црна Гора, Северна Македонија, Србија и Турција) и Босна и Херцеговина како потенцијална земја кандидат.
Нивото на цените за рестораните и хотелите во 2020 било трипати поголемо во најскапата земја за разлика од најевтината. Алкохолот и цигарите се на второ место по разликата во нивоата на цените, со најниско ниво забележано во Бугарија од 61%, додека највисоко во Ирска, од 187%.
Храната и безалкохолните пијалаци биле најевтини во Романија, 66% од просекот на ЕУ, додека најскапи во Данска – 129% од просекот.