Во Албанија потврдени се 21 случај заразени со Делта сојот, од нив 8 се „увезени“, додека остатите се семејни кластери, изјави Силва Бино, раководителка на Одделот за епидемиологија, при Институтот за јавно здравје и член на комитетот за справување со пандемијата со COVID-19.
– По два случаја се донесени во земјава од Обединетото Кралство и Германија, додека по еден случај од Чешка, Шпанија, Северна Македонија и Пакистан. Случајот од Пакистан беше без клинички знаци, како дел од скрининг, во оваа група тестови која беше испратена во лабораторијата во Берлин. Овие случаи, предизвикаа семејни жаришта, што потврдува дека имаме висока инциденца на зараза, рече таа.
Според неа, заразените се на возраст од 16 до 77 години, а 9 се хосптализирани.
Додаде дека од 21 заразено лице со Делта сојот, 6 биле вакцинирани.
– Две од заразените лица биле вакцинирани во април во Обединетото Кралство со AstraZeneca, две со една доза со Pfizer во Германија, два случаја се со две дози CoronaVac, рече Бино.
Преседателката на комитетот и заменик министерка за здравство Мира Ракацоли смета дека новата епидемиолошка состојба не наметнува други ограничувачки мерки освен постојните, за кои смета дека ќе ја контролираат состојбата, посебно потенцирајќи дека останува и понатаму во сила полицискиот час од полноќ до 6 часот и мерката за задолжително носење заштитна маска во затворен простор.
Таа упати апел за поголема масовност за имнизација против опасниот вирус, просец со кој до сега се опфатени над милион и 170 илјади.
