ЗИМСКИ ОЛИМПИСКИ ИГРИ ПЕКИНГ 2022

Во античка Олимпија запален олимпискиот оган за ЗОИ Пекинг 2022

Во храмот на божицата Хера во античка Олимпија на грчкиот полуостров Пелопонез, во присуство на претседателката на Грција, Катерина Сакеларопулу, претседателот на Меѓународниот олимписки комитет Томас Бах, претседателот на грчкиот олимписки комитет Спирос Капралос и потпретседателот на организацискиот комитет Пекинг 2022 Ју Зајчин, од зраците на сонцето, претпладнево беше запален олимпискиот оган за 24. Зимски олимписки игри Пекинг 2022, јави дописничката на МИА од Атина.

Традиционално, со специјална кореографија и молитва до богот на сонцето Аполон да ги испрати неговите зраци и да го запали светиот факел за Пекинг, палењето на олимпискиот оган беше успешно.

Првиот факел го презеде шампионот во алпско скијање Јанис Андониу и му го предаде на олимпискиот шампион Ли Чиечун.

Поради пандемијата, манифестацијата се одржа без публика, а олимпискиот оган нема штафетното да патува низ Грција, туку директно ќе биде пренесен во Атина, каде што утре на посебна свеченост ќе им биде предаден на домаќините на Зимските олимписки игри.

На палењето на огнот му претходеше свечената манифестација, што започна со олимписката химна во изведба на сопраното Василики Карајани и интонирање на химните на Грција и Кина, по што на присутните им се обратија претседателот на Меѓународниот олимписки комитет, претседателот на Грчкиот олимписки комитет, потпретседателот на организацискиот комитет Пекинг 2022, како и градоначалникот на Олимпија.

Претседателот на Меѓународниот олимписки комитет, Томас Бах, рече дека Олимписките игри го обединуваат човештвото во сета разновидност и секогаш градат мостови и пријателство, додаде на светот му е потребна поголема солидарност, бидејќи „не постои мир без солидарност“.

– Во овие тешки времиња низ кои сѐ уште живееме, Зимските олимписки игри Пекинг 2022 ќе бидат важен момент да го собереме светот во духот на мирот, пријателството и солидарноста. Најдобрите спортисти од светот во зимски спортови ќе се натпреваруваат за олимписка слава, додека живеат мирно, заедно под еден покрив во Олимпиското село. Сите ги почитуваат истите правила, сите сме еднакви, без оглед на социјалната припадност, полот, расата, сексуалната ориентација или политичкото убедување. На овој начин, спортистите ќе ни покажат дека можеме да одиме побрзо, можеме да целиме само повисоко, можеме само да станеме посилни, ако сме заедно, во солидарноста, порача Бах и додаде дека Пекинг ќе испише историја како прв град домаќин на летна и зимска Олимпијада.

Потпретседателот на Меѓународниот олимписки комитет Пекинг 2022, Ју Зајчин, рече дека олимпискиот оган, како симбол на олимпискиот дух, „илјадници години е светлина на солидарноста, пријателството, мирот и правдата“, но и дека е „сведок на славната историја на развојот и напредокот на човештвото и размените, и меѓусебното учење помеѓу културите и цивилизациите“.

– Заедно за заедничка иднина. Посакуваме олимпискиот пламен да биде вечна светлина која никогаш не згаснува во срцата на луѓето. Се надеваме дека луѓето ширум светот ќе се здружат за да го отфрлат мракот на пандемијата и да донесат заедничка посветла иднина, рече Зајчин и додаде дека кинеската Влада, со поддршка од луѓето ширум светот и преку тесна соработка со Меѓународниот олимписки комитет ќе понудат безбедни и сјајни Олимписки игри.

Претседателот на Грчкиот олимписки комитет, Спирос Капралос, истакна дека овој пат, олимпискиот оган, покрај пораките што ги испраќа до светот, исто така, „претставува симбол на доверба за конечна победа на човештвото во огромната битка што ја води со пандемијата речиси две години.

По завршувањето на манифестацијата, грчката претседателка Катерина Сакеларопулу рече дека „олимпискиот оган, започнувајќи го патување за Зимските олимписки игри во Пекинг, ја пренесува пораката за помирување на народите, мир и фер плеј“.

Remote video URL

Олимпискиот оган од античка Олимпија го започна патувањето кон Пекинг, утре ќе пристигне во Атина на античкиот олимписки стадион „Панатенаик“, каде што во 1896 година беа одржани првите модерни Олимписки игри и ќе им биде предаден на организаторите.

Зимските олимписки игри во Пекинг ќе се одржат од 4 до 20 февруари 2022 година.

Тагови
реклама
Тајните на една држава: Зошто Финска е меѓу најуспешните земји во светот?

Тајните на една држава: Зошто Финска е меѓу најуспешните земји во светот?

Read more
Топ 10 најпиратирани филмови на неделата

Топ 10 најпиратирани филмови на неделата

Read more

Како на филм: Воз предизвикал уривање на дел од мост и се запалил

Read more

Историски преседан во Лигата на шампиони

Read more

Останати спортови

Tриесет години затвор за поранешниот претседател на Бразилскиот олимписки комитет

Read more

Погледнете во каков кафез се одржа ММА борба во Полска

Read more

Двоен нокаут: И двајцата соперници паднаа во исто време

Read more

Талибанците дозволија: Авганистан ќе учествува на Олимписките игри во Пекинг

Read more
 

Спорт

Манчини: Многу тешка жрепка за нас

Читај повеќе

Милевски: Италија е фаворит, но за исходот ќе се прашуваме и ние

Читај повеќе

Италија противник на македонските фудбалери во мундијалскиот бараж

Читај повеќе

ЕХФ: Само вакцинирани ракометари на ЕУРО 2022

Читај повеќе

Холанд по 5 недели се враќа на теренот

Читај повеќе
  • play_arrow

Конте за бламажата во Словенија: По три недели почнувам да ја разбирам ситуацијата во Тотенхем

Читај повеќе

Каде да се гледа мундијалската жрепка?

Читај повеќе

Tриесет години затвор за поранешниот претседател на Бразилскиот олимписки комитет

Читај повеќе
  • play_arrow

Објавено видео на кое Роналдо урла по играчите на Јуве: Играме како го*на

Читај повеќе