Во Бразил во изминатите 24 часа регистрирани се 39.483 новозаболени лица со COVID-19 и 1.141 смртни случаи, соопшти бразилското Министерство за здравство.
Со тоа вкупниот број на инфицирани лица се искачи на 1.228.114 лица, со што Бразил е на второ место зад САД и има двојно повеќе заразени лица од Русија, која е на трето место.
Бразил е на второ место и по бројот на починати од последици од COVID-19.
Претседателот на Бразил, Жаир Болсонару, кој од почетокот на пандемијата се сомнева во сериозноста на новиот коронавирус, изјави дека мисли оти е заразен, иако имал негативен тест и најави дека повторно ќе се тестира.
