Истражувањето за животната средина и за електричните автомобили, спроведено минатиот август во Европа, покажа дека жителите на Стариот контитент се загрижени поради климатските промени. 62% од испитаниците ги смениле своите животни навики за да помогнат во борбата против климатските промени и загадувањето.
Климатските промени се закана за целото население, па затоа е важно да придонесеме во борбата. Од компаниите, владите, институциите и автомобилските компании се бара да реагираат.
За да престане да се влошува ситуацијата, неопходно е да се применуваат други навики. Електрификацијата е клучна компонента од овој процес. Поради тоа, 8 од 10 луѓе во Европа заговараат електрични и хибридни автомобили во наредните десет години, но овој премин и натаму ќе се одвива споро.
„Луѓето мислат дека постојано ќе треба да го полнат својот електричен автомобил, како да поминуваат 2000 километри дневно. Меѓутоа, само 10% од возачите минуваат таква километража и тоа само еднаш годишно. За да сфатите колку е едноставно да го полните автомобилот дома и колку е убаво да го започнете денот со полн „резервоар“ треба некое време да имаат електричен автомобил. Затоа луѓето сметаат дека електричните автомобили се поскапи, но тоа не е вистина“, рече Ерик Шилб, стручњак за електрични автомобили.
Повеќе од половина од испитаниците очекуваат произведувачите да произведуваат и пласираат поповолни електрични автомобили.