Обилните снежни врнежи во Атина денеска ги принудија властите да затворат неколку улици во северните предградија на грчката престолнина, вклучително и делови од главниот автопат Атина-Солун.
Снежното невреме, кое е дел од новиот фронт наречен Елпис, е во тек низ Грција, а жителите на регионот Атика, каде се наоѓа главниот град, кој е меѓу најпогодените, велат дека вакви временски неприлики немало со децении.
Според Greek reporter, грчкиот парламент денеска ја прекинал работата поради екстремните временски услови во регионот на Атика. Вработените во јавниот сектор во понеделникот напладне биле испратени дома, откако МВР донело решение со кое им дозволило порано да заминат поради лошите временски услови и обилниот снег.
Министерството за здравство одлучи центрите за вакцинација против коронавирус во поширокиот атински регион Атика и на блискиот остров Евија да се затворат од денеска во 15 часот, а ќе останат затворени и утре поради обилните снежни врнежи.
Гувернерот на Атика, Јоргос Патулис, по консултации со политичкото раководство на Министерството за цивилна заштита, замениците гувернери, градоначалниците и сите инволвирани тела и проценките на времето, одлучи превентивно да ги задржи училиштата затворени во понеделник и вторник.
Надлежните ги советуваа граѓаните да ги избегнуваат сите непотребни патувања
