Експериментот на еден советски научник живее и ден денес. Одбрани лисици се одгледуваат меѓу луѓе со генерации со цел да се припитомат и во иднина да станат новите кучиња и мачки.
Дмитриј Белјајев бил советски зоолог кој се занимавал со генетски истражувања. Во 50-тите години на минатиот век во Сибир започнал експеримент на припитомување диви лисици, процес кој трае до ден денес.
Скоро 70 години подоцна, лисици од последната генерација на Белјајев се пријателски настроени кон луѓето, не се плашат и не се агресивни, но сѐ уште не се на исто ниво како кучињата и мачките. Во иднина, тоа веројатно ќе се промени и лисиците ќе бидат новото домашно милениче.
