Шеснаесет лица ги загубија животите како резултат на труење со јаглерод моноксид во рудник за јаглен во Југозападна Кина, соопштија кинеските власти.
Пред трагедијата, во рудникот останале заробени 17 рудари, кои подоцна биле извлечени од таму, но 16 од нив веќе не давале знаци на живот, додека единствениот преживеан бил префрлен во болница.
Кинеската државна новинска агенција Синхуа јави дека зголемувањето на нивото на јаглерод моноксид во внатрешноста на рудникот се должи на палење на ленти или ремени, но не прецизира кои од нив.
Истрагата за несреќата во рудникот, кој се наоѓа во кинескиот округ Чиѓијан, е во тек.
