Поради обилните дождови во главниот град на кинеската покраина Хенан загинаа 12 лица, а околу 100.000 жители се евакуирани на безбедно место, пренесе кинеската државна агенција Xinhua.
Метеоролошките служби на покраината прогласија ниво на катастрофа од прв степен, а прогнозите предвидуваат обилни дождови до доцна навечер.
Покраината Хенан е погодена од невреме кое трае од викендот по што реките се излеаја од коритата и ги поплавија улиците во десетици градови. Во Женгжу, главнот град на Хенан на брегот на Жолта река, вчера за еден час наврнаа повеќе од 200 милиметри дожд, по што беше прекинат подземниот железнички сообраќај.
Метеоролошките служби наведоа дека тоа се најобилни дождови во еден ден од почетокот на мерењето пред 60 години.
Кинеската војска предупреди на непосредна опасност од пукање на браната во Луојанг, град со околу 7 милиони жители.
