Здружението за заштита на потрошувачите „Ефектива“ од Србија ги повика граѓаните на таа земја 5 дена да бојкотираат 5 големи трговски синџири, кои ќе траат од денеска до петок, 14 февруари.
Зборувајќи за резултатите од претходниот бојкот, Дејан Гавриловиќ од „Ефектива“ рече дека е забележан пад на приходите од 37%, по што е упатен повик до трговците, добавувачите и државата да направат нешто конкретно.
Како што вели, бидејќи немало никаква реакција, а добиле информации дека трговците дури и ги покачувале цените, следел повик за петдневен бојкот.
Петте трговски синџири цел на бојкотот држат повеќе од половина од пазарот.
Организаторите на бојкотот веруваат дека ако можат да ги натераат овие пет трговски синџири да ги намалат цените, и другите ќе го следат примерот.
