Британската професорка Сара Гилберт смета дека во текот на следната пандемија вакцина ќе мора да развиеме за само 100 дена.
Гилберт е меѓу научниците од Оксфорд кои развија вакцина против коронавирусот, а која се произведува во соработка со компанијата AstraZeneca. Таа потсетува дека минале 300 дена од идентификувањето на коронавирусот во Кина до првото одобрување за користење вакцина против SARS-CoV-2.
Меѓутоа, смета дека ќе биде потребно значително побрза реакција за да се спречи катастрофа во текот на следната пандемија.
„Не зборувам за повторување исти работи и за тоа колку да се биде брз. Зборуваме за тоа дека треба да бидеме многу подобро подготвени, за да не мора да почнеме од истото место“, укажа Гилберт.
Рокот за 100 дена за развој на вакцина во јуни минатата година првично го одреди Велика Британија. се претпоставува дека со таква брза реакција би можеле да се спасат милиони животи и да се заштедат милијарди долари.
Професорката смета дека научниците треба да направат регистар на вакцини против вируси кои се потенцијално најголеми закани. Тоа за почеток би значело регистрација на најмалку десет вакцини.
„Мораме да земеме примероци од вируси, потребни за развој на вакцини. Тогаш би почнале со клинички испитувања за да видиме каков е имунолошкиот одговор. Мора да одиме напред, за да имаме подготвени резерви на вакцини“, смета таа.