Volvo подготвува нов флегшип SUV како замена за XC90.
Новиот SUV од компанијата Volvo ќе ја носи ознаката XC100 и ќе биде директен ривал на BMW X7 и Mercedes GLS.
Volvo развива нова верзија на платформата за големи автомобили наречена SPA2. Актуелната SPA платформа се користи за моделите 60 и 90, но не е погодна за модели поголеми од актуелниот XC90. Доколку компанијата сака да им конкурира на SUV моделите на Mercedes и BMW, тогаш XC100 мора да користи новоразвиена платформа.
Платформата SPA2 ќе биде наменета за автомобили долги до 5,5 метри, а третиот модел на Polestar, што ќе биде голем целосно електричен SUV, ќе го користи во иднина.
Новиот модел се развива под кодно име V616. Бројот 6 го означува прототипот како најголем модел во понудата на Volvo, број 1 значи дека станува збор за прва генерација, а втората „шестка“ е кратенка за каросеријата на СУВ возилото.
XC100 ќе биде 30 милиметри подолг од сегашниот XC90 и малку подолг дури и од BMW X7. Неговата должина ќе биде 5,2 метри, а ќе бидат продолжени и меѓуосовинското растојание и суспензијата на задната оска. Со ова ќе се добие повеќе простор за нозете во вториот ред седишта, како и во вкупниот простор во третиот ред на седишта и во багажникот.
Новиот XC100 ќе користи мешавина од погонски опции, основните модели ќе користат моќни бензински мотори со блага хибридна технологија, а алтернативи ќе бидат plug-in хибриден и целосно електричен погон.
Овој модел се очекува во 2022 година.
