Визуелниот идентитет на шведскиот производител не се промени многу во текот на изминатите девет децении.
Volvo е уште една во низата автомобилски компании кои одлучија да го модернизираат и прилагодат своето лого на новото време и трендот на електрификација и дигитализација што ја зафати автомобилската индустрија.
Логото на препознатливиот бренд сега е поедноставено, вратено од 3Д на 2Д приказ, а доминираат црни тонови наместо сини и сребрени.
Volvo не прецизира кога новото лого ќе почне да се применува на моделите на производителот, а некои автомобилски медиуми тврдат дека тоа нема да се случи до 2023 година.
Volvo го користи своето лого Iron Mark од 1930 година, иако оттогаш амблемот претрпе голем број промени.
Од 2000 година, сменети се дури три логоа, сите со 3Д ефект на симболот и синиот натпис Volvo.
Бројни производители на автомобили, како што се Volkswagen, BMW, GM, Nissan, Renault и Kia,ги ажурираа своите логоа во последните неколку години.
Карактеристично за сите е што го поедноставија логото и го направија дводимензионално.