Мајкл Чендлер синоќа среде главната програма на настанот UFC 274 на фантастичен начин го совлада легендарниот Тони Фергусон благодарение на неверојатен нокаут.
Петтиот борач на официјалната WTAлиста на почетокот на втората рунда му зададе „front kick“ на Фергусон, удар кој досега не го доживеал во кариерата.
Атрактивниот нокаут на Чендлер не се гледа често на ова ниво, а исто така беше деветти од ваков вид во историјата на УФЦ.
Претходната прва рунда понуди одличен напад на Фергусон и удар со кој му се закани на Чендлер кој сепак се врати и заврши одлична работа до крајот на рундата.
Чендлер со ова дојде до сооднос 2-2 во УФЦ, но начинот на кој се бори е тоа што сигурно ќе му донесе уште една одлична можност.
Од друга страна, ова е четврти пораз во низа за Фергусон, но за првпат вака брутално беше „згаснат“, па многумина на социјалните мрежи му предвидуваат крај на кариерата.
Да потсетиме, Фергусон еднаш имаше низа од 12 победи во УФЦ што беше прекината во 2020 година од Џастин Гејџи.
