Индонезискиот боксер Херо Тито почина на 35 години по пораз со нокаут во текот на борба за титула на државен првак.
Тито падна во кома откако на 27 февруари изгуби во борба за шампион на Индонезија, во лесна категорија. Зад себе остави сопруга и две ќерки на возраст од 13 и од 5 години. По претрпен нокаут од Џејмс Мокогинта во седмата рунда во борбата во Џакарта, Тито ја изгубил свеста.
Борбата била реванш на нивниот прв меч во 2015 година, кој Тито го добил со одлука на судиите. Тој станал професионален боксер во 2004 година. Меѓу имињата со кои се борел се Ик Јанг, Вил Томлинсон и Јамшидбек Најмитдинов.