Два од најлегендарните модели во историјата на францускиот автомобилски гигант би можело да се најдат повторно во производната гама.
Директорот на Renault, Лука де Мео, размислува за „оживување“ на „четворката“ и „петката“, најпопуларните модели на францускиот производител во втората половина на минатиот век.
Меѓутоа, за разлика од оригиналните модели, современите Renault 4 и Renault 5 би имале исклучиво погон на електрична енергија.
Според Reuters, првиот човек на компанијата утре ќе го претстави новиот производствен план со кој се очекува да се дефинира на кои модели ќе се фокусира Renault во иднина.
Веќе се шпекулира дека можно е некои од актуелните модели, како Talisman, Scenic и Espace, да бидат укинати, додека истовремено се размислува за одново воведување на моделите 4 и 5, но во верзии на струја.
Групацијата Renault исто така планира нови електрични модели во рамките на спортскиот бренд Alpine.