УЕФА ЕУРО ПОЛСКА/УКРАИНА 2012

Времеплов: Пред 8 години моќната Шпанија ја прегази Италија и ја покори Европа

Филип Здравески
/ 01.07.2020 / 15:58

Тој 1 јули 2012 година во големото финале на Европското првенство во Полска и Украина копјата ги вкрстија Шпанија и Италија во натпревар кој на крајот беше сѐ освен рамноправен.

Двете репрезентации веќе еднаш се сретнаа на првенството бидејќи беа во иста група. Дуелот во полски Гдањск заврши без победник, 1:1.

Овој пат играа во украинскиот главен град Киев на преполниот „Олимпијскиј“ стадион, а им судеше Португалецот Педру Пруенса.

Уште во 14. минута студен туш за Италијанците откако Давид Силва ја затресе мрежата на одличниот Џиџи Буфон. Хендикеп за „Аѕурите“ настана откако неколку минути подоцна се повреди столбот во одбраната, Џорџо Кјелини, па мораше на сцената да стапи Федерико Балѕарети. Четири минути пред паузата „Фуријата“ зголеми на 2:0 преку Жорди Алба.

Маркизио, Иниеста и Буфон

Нападот на Италија со Антонио Касано и Марио Балотели не успеваше да ја пробие Шпанската одбрана. На полувреме Антонио Ди Натале го замени Касано, но ниту тој не успеа да направи нешто повеќе.

Шпанија доминацијата ја круниса пред крајот на натпреварот со головите на Фернандо Торес и Хуан Мата во 84-тата и 88. минута.

Шпанија: Икер Касиљас; Алваро Арбелоа, Жерар Пике, Серхио Рамос, Жорди Алба; Чави Ернандес, Серхио Бускец, Шаби Алонсо; Сеск Фабрегас (75' Фернандо Торес); Давид Силва (59' Педро Родригес), Андрес Иниеста (87' Хуан Мата). Селектот: Висенте дел Боске.

Италија: Џанлуиџи Буфон; Ињацио Абате, Андреа Барѕаљи, Леонардо Бонучи, Џорџо Кјелини (21' Федерико Балѕарети); Андреа Пирло; Клаудио Маркизио, Рикардо Монтоливо (57' Тијаго Мота), Даниеле Де Роси; Марио Балотели, Антонио Касано (46' Антонио Ди Натале). Селектор: Чезаре Прандели.

Шпанија всушност го одбрани европскиот трон кој го освои во 2008 година, а вкупно дојде до третата титула заедно со онаа освоена во 1964, со што се израмни по бројот на триумфи со Германија. Италија остана на една титула, онаа од далечната 1968, а по вторпат загуби финале откако претходно загубија од Франција во 2000.

Интересен беше крајот на натпреварот кога на камерите се слушна Икер Касиљас како бара од судиите да судат крај за да покажат почит кон Италија чии фудбалери беа демотивирани од високиот резултат, односно да се спречи да падне уште некој гол бидејќи едноставно Италијанците стоеја на терен.

„Еј судија! Судија! Почитувај го противникот. Имај почит за Италија. Па 4:0 е“, викаше шпанскиот голман, а веднаш потоа Пруенса отсвири крај, иако не го слушна неговиот апел.

Remote video URL
реклама

Денот кога диносаурусите изумреа, објаснет до детали

Read more

Пет причини зошто жените изневеруваат

Read more

Што ќе случи во вашето тело кога ќе се откажете од пивото?

Read more

Актерката Силвија Стојановска доби затворска казна за транспорт на кокаин

Read more

Фудбал

Португалија со победа тргна во одбрана на титулата, Роналдо најдобар стрелец на Европските првенства

Read more

Финалето на Вембли пред 40.000 гледачи

Read more

УЕФА отвори истрага против Арнаутовиќ

Read more

Љорис го разбира стравот на противниците од триото Бензема-Гризман-Мбапе

Read more
 

Спорт

За прв пат во историјата на НБА, тројца Европејци во идеалната пeторка

Читај повеќе
  • play_arrow

Португалија со победа тргна во одбрана на титулата, Роналдо најдобар стрелец на Европските првенства

Читај повеќе

Финалето на Вембли пред 40.000 гледачи

Читај повеќе

УЕФА отвори истрага против Арнаутовиќ

Читај повеќе

Љорис го разбира стравот на противниците од триото Бензема-Гризман-Мбапе

Читај повеќе

НЛБ Банка генерален спонзор на сениорската машка репрезентација на Македонија

Читај повеќе

На Арнаутовиќ му се заканува суспензија од најмалку 10 натпревари

Читај повеќе

Алиоски: Најважно е да веруваме во себе и во тимот

Читај повеќе

Дали е потешко да се освои Европско или Светско првенство?

Читај повеќе