Никола Јокиќ продолжува да блеска, па за два дена го забележа вториот последователен трипл-дабл. Добар беше и Лука Дончиќ кој запиша дабл-дабл.
Откако вчера го сруши Њу Орлеанс со 46 поени, 12 скока и 11 асистенции, денеска неговиот Денвер го совлада Голден Стејт со 131:124 со уште една маестрална партија на српскиот центар.
Јокиќ натпреварот го заврши со 32 поена и само 5 промашувања од игра, а забележа и 15 скока и 13 асистенции.
На другата страна не играа Стеф Кари и Клеј Томпсон, а најдобар во редовите на Вориорс беше Џордан Пул со 32 поена.
Кошаркарите на Далас ја совладаа Јута со 111:103, а херој на победата на Маверикс беше Лука Дончиќ.
Словенецот го заврши натпреварот со 35 поени, 16 скока и 7 асистенции.
Во спротивниот табор најрасположен за игра беше Бојан Богдановиќ со 21 поен и 4 асистенции.
Детроит Пистонс - Атланта Хокс 113:110
Филаделфија 76ерс - Чикаго Булс 121:106
Мајами Хит - Хјустон Рокитс 123:106
Минесота Тимбервулвс - Портланд Тимбервулвс 124:81
Далас Маверикс - Јута Џез 111:103
Сан Антонио Спарс - Лос Анџелес Лејкерс 117:110
Денвер Нагетс - Голден Стејт Вориорс 131:124
Сакраменто Кингс - Њујорк Никс 115:131
