Вучиќ: Ништо не бараме од Македонците, само братство и пријателство

Белград, 29 јули 2021 (МИА) – Економскиот форум во Скопје и дводневната посета на српскиот претседател Александар Вучиќ се главна тема на медиумите во Србија, меѓу кои Танјуг и ТВ Пинк директно ја пренесуваат посетата и неговите средби и одржувањето на Форумот, јави дописникот на МИА од Белград.

По синоќешниот директен линк на ТВ Пинк од прошетката на Вучиќ со премиерите на Северна Македонија и на Албанија, Зоран Заев и Еди Рама долж кејот на реката Вардар и центарот на Скопје, како и обраќањето на претседателот на Србија до српската јавност, медиумите јавуваат и за неговата средба со легендарниот македонски и југословенски фудбалер Дарко Панчев, како и за врачувањето на благодарница од претседателот на Стопанската комора на Северна Македонија, Бранко Азески, за обезбедување помош при вакцинирање на бизнисмени, што беше организирано на крајот на март во Србија, а потоа и ревакцинацијата.

– Ви благодарам многу за она што го направивте за бизнис заедницата, изјави Азески.

Вучиќ од своја страна нагласи дека му било голема чест да ја добие таа благодарница.

– Ние само се однесувавме нормално, како што би направиле сите нормални луѓе, рече српскиот претседател.

Вучиќ изјави дека Србија му помогнала на македонскиот народ во 1963 година, кога Скопје го погоди катастрофалниот земјотрес.

– Немаме што друго да бараме од македонските граѓани, освен пријателство и братство. Не ни треба ни територија или да кажеме дека тоа е наш јазик. Нам ни е важно само да имаме најблиски и најдобри можни односи. Она што го правиме овде ќе направи големи работи за нашата земја, ако не успееме, барем ќе остане дека некој се обидел – за во следните година или две да можеме да поминеме низ нашите три земји, суверени и независни, да поминуваме без граници и да си помагаме едни на други во секое време, истакна Вучиќ.

Претседателот на Србија нагласи дека камионите од Скопје до Белград или Тирана ќе можат да минуваат без запирање, додека другите ќе треба малку да застанат, некое време.

Тој рече дека додека разговарал со граѓаните во Скопје, додека шетал, видел оти луѓето во Северна Македонија денес ја почитуваат Србија повеќе отколку порано.

– Немаме други интереси освен да опстанеме заедно во оваа област и да го подобриме животот и да ги приближиме Белград, Скопје и Тирана, изјави Вучиќ.

Тој, исто така, додаде дека на економскиот форум најмногу компании дошле од Србија – 217, што покажува колкав е интересот во Србија за соработка во регионот.

реклама

Откритие што менува сѐ: Човечки стапалки стари 23.000 години најдени во Ново Мексико

Read more

Го „уби“ Куман со поглед - младиот Пуиг ги освои фановите на Барса

Read more

Како за 5 секунди да откриете дали месото е свежо?

Read more

Филипче: Од средината на октомври нова мерка - ќе може да функционираат само целосно вакцинирани граѓани

Read more

Регион

Во Албанија во последната декада емигрирале половина од граѓаните со високо образование

Read more

Услови за влез во Грција до 1 октомври

Read more

Земјотрес во Албанија почувствуван и во нашата држава

Read more

На Словенците ќе им бидат неопходни ковид-потврди и за работа од дома

Read more
 

Вести

Уште пет дена попис, досега попишани околу 1.4 милиони лица

Читај повеќе

Активни 12.207 случаи, повик невакцинираните да се вакцинираат

Читај повеќе

Сончево и топло до 32 степена

Читај повеќе

На локалните избори ќе може да гласаат 1.824.864 граѓани, ДИК вечерва го заклучи Избирачкиот список

Читај повеќе

Бајден: Пандемијата на невакцинираните мора да престане, тие ја загрозуваат економијата

Читај повеќе

Евростат: Англискиот е најчесто изучуван јазик во ЕУ, следуваат шпански, француски и германски

Читај повеќе

Холандската полиција приведе деветмина кои подготовувале терористички напад

Читај повеќе

Во Албанија во последната декада емигрирале половина од граѓаните со високо образование

Читај повеќе

Дневен ковид-биланс: 525 новозаразени и 12 починати

Читај повеќе