Како што се наближува годишнината од локдаунот во Вухан, главниот град на провинцијата Хубеи, жителите на градот можат да посетат изложба посветена на триумфот над пандемијата со коронавирусот.
Вухан и други градови во Хубеи беа скоро три месеци под карантин за да се запре ширењето на заразата. На 8 април 2020 официјално заврши карантинот и беше означен крајот на нови случаи на корона во провинцијата Хубеи.
Reuters објави видео во кое е прикажана некогашната болница во Вухан, сега претворена во огромен музеј со изложба во која има фотографии од доктори и медицински сестри и болничари, како и потпишани докторски мантили.
Има и цел ѕид посветен на оние кои ги загубија животите во првите редови, вклучително и фотографија од докторот Ли Вениланг кој прв проговори за заразниот вирус и болеста што ја предизвикува.
Има и простор посветен на цитати, фотографии и видеа од кинескиот претседател Си Ѓинпинг.