Новата мрачна комедија во режија на Ноа Баумбах, базирана на истоимениот роман на Дон Делило е невообичаен семеен филм што не знаевме дека ни треба.
Грета Гервиг и Адам Драјвер се родителите на семејство со деца од повеќе претходни нивни бракови и едно заедничко, кои ќе се најдат во неверојатен апокалиптичен настан во 1985 година.
Ликот на Драјвер е професор по студии за Хитлер, чиј живот ќе стане вистински хаос кога неговото семејство ќе мора да се евакуира бидејќи по сообраќајнаа несреќа на цистерни се шири токсичен бран низ воздухот.
Баумбах веќе работеше со Драјвер во „Marriage Story“ од 2019 година кој му донесе две номинации за Оскар.
Во филмот играат и Дон Чидл, Рафи Кесиди и Џоди Тарнер-Смит.
„White Noise“ ќе биде премиерно прикажан во кината на 25 ноември и ќе се емитува на Netflix на 30 декември.
