Трилерот „Wrath of Man“, со Џејсон Стејтам во главната улога, се најде на врвот на бокс-офисот во Северна Америка, со скромна заработка од 8.1 милион долари.
Тоа и не е баш одличен старт за летната филмска сезона, којашто започнува со првиот викенд во мај, но аналитичарите се надеваат дека ситуацијата ќе се подобри со премиерите на долгоочекуваните филмски хитови.
Во Северна Америка ситуацијата со бокс-офисот полека се враќа во нормала со оглед на масовната вакцинација, отворањето на киносалите и олабавувањето на рестриктивните мерки. Тоа би требало да им помогне на кината во зголемување на продажбата на билетите, пишува Variety.
Премиерата на „Wrath of Man“, во режија на Гај Ричи, за разлика од другите филмови, не беше достапна на стриминг сервисите или дигиталните платформи. Публиката можеше да го гледа филмот единствено во локалните кина. Критиките за филмот се мешани, но претежно доминира мислењето дека филмот е забавен за гледање. На меѓународно ниво заработи 17.6 милиони долари.
На второ место се најде „Demon Slayer: Mugen Train; со заработка од 3 милиони долари. „Mortal Kombat“ е на третото место со 2.4 милиони долари, додека „Godzilla vs. Kong“е на четвртото место со 1,9 милиони долари.
На петтото место на листата е „Raya and the Last Dragon“ со заработка од 1,9 милиони долари.