Компанијата Xiaomi во март го претстави својот прв смартфон на преклоп, а сега веќе работат и на вториот.
Изворите тврдат дека новиот смартфон ќе го задржи Qualcomm Snapdragon 888 процесор, батерија од 5.000 mAh и камера од 108 MP.
Целата внатрешна структура на следниот модел Mi Mix Fold е веќе тестирана, а смартфонот ќе има два екрана. Големиот внатрешен екран со фреквенција на освежување од 120 Hz го произведе Samsung, додека помалиот надворешен со фреквенција на освежување од 90 Hz е производ на компанијата Visionox.
Сè уште има многу непознати детали како што се за камерите, меморијата, а не се знае ниту дали ќе биде достапен и на другите пазари освен на кинескиот.
Смартфонот се очекува да пристигне кон крајот на оваа година.