Компанијата Xiaomi го претстави новиот Mi Notebook 14 со интегрирана веб-камера.
Xiaomi ги продава моделите Mi Notebook без камери, но тоа не е баш идеална опција во време на пандемија на коронавирус кога повеќето луѓе работат од дома и кога учениците и студентите следат онлајн настава. Поради тоа, Xiaomi го претстави новиот Mi Notebook 14 кој доаѓа со интегрирана веб-камера во горниот агол на екранот.
Лаптопот доби Intel Core i5 процесор од 10. генерација, а се продава по атрактивна цена. Има три верзии, а најевтината доаѓа со 8 GB RAM и 256 GB интерна меморија. Поскапиот модел доаѓа со 512 GB интерна меморија и Nvdia GeForce MX250 графичка картичка.
Лаптопот има 14-инчен екран со резолуција од 1080p и формат 16:9 и 46W батерија. Notebook е тежок 1,5 кг.
Цената се движи од 500 до 600 евра, зависно од моделот.