Кинеската компанија Xiaomi го претстави својот најмоќен смартфон Mi 11 Ultra.
Уредот доаѓа со нов дизајн на модулот за камери во кој се наоѓа и вториот помал екран, а по тоа се разликува од основните модели Mi 11 и Mi 11 Pro.
Системот на камери е составен од сензор за длабочина од 50 МP и од ултраширока и перископска фото камера од 48 MP. Камерите имаат 5Х оптички зум и дигитален зум од 120Х.
Од Xiaomi велат дека со новите камери е овозможен висок квалитет на фотографиите и можност за снимање во 8К.
Главната иновација е малиот ОLED екран на задната страна на смартфонот на кој ќе бидaт достапни различни информации – за батеријата, податоци за временската прогноза и слично.
Главниот AMOLED екран има екран од 6,81 инч со QHD+ резолуција и фреквенција на освежување од 120 Hz и Gorilla Glass Victus заштитно стакло.
Селфи камерата има 20 MP.
Уредот доби Qualcomm Snapdragon 888 процесор, а има 8 GB RAM и 256 GB меморија.
Уредот го напојува батерија од 5.000 мАh.
Ќе биде достапен во две бои – ceramic black и ceramic white. Цената ќе се движи меѓу 1.000 и 1.200 евра.
Кинеската компанија денес го претстави и моделот Mi 11 Pro, неколку нови смартфони со пристапна цена и нови модели на паметни нараквици.
