Извршниот директор на компанијата Xiaomi, Леи Јун рече дека кинеската корпорација планира да започне со масовно производство на електрични возила во првата половина на 2024 година.
Како што пренесуваат кинеските медиуми, Леи изјави дека се работи на проектот и подготовките се завршуваат пред рокот.
Во септември Xiaomi ги најави плановите за лансирање на својот прв електричен автомобил за 2024 година и напомена дека ја заврши регистрацијата на Xiaomi Qiche, сегментот кој ќе се фокусира на производство на електрични автомобили.
По денешната изјава на директорот, акциите на кинеската компанија во Хонг Конг пораснаа за 4,92%.
Xiaomi уште на почетокот на годината ги откри плановите за влез на автомобилскиот пазар.
Како што беше објавено, првиот автомобил на Xiaomi ќе биде SUV, унапредена верзија на компактниот модел T77 на кинескиот бренд Besturn.