Иако сè уште е една од најпопуларните видео платформи, YouTube сепак мора постојано да воведува нови функции, за да држи чекор со конкуренцијата.
Затоа YouTube воведува една долгоочекувана опција - можност за правење видеоисечоци, односно краток дел од видеото што ќе може да се сподели со едноставно испраќање линк.
Засега, како што објавија порталот Digital Trends, оваа функција е овозможена само за одреден број креатори на содржини кои учествуваат во бета програмата.
Скратувањето видеа, во моментов, е можно само преку апликации со Android или десктоп компјутери, а самиот клип може да трае од 5 до 60 секунди.
Откако ќе се избере иконата „ножички“, се појавува слајдер, а потоа креаторите може да изберат кој дел од видеото сакаат да го исечат, а потоа да стават име до 140 карактери.
