Пилешките докопани во сос се прават со малку ракија која испарува, а рецептот е изворно француски.
Докопаните не мора да се прават на вообичаен начин, направете ги во убав сос од сланина, јаболка и павлака. Во садот се додаваат сенф и целер.
Потребни состојки:
- 2 пилешки докопани
- 1 лажичка масло
- ½ лажичка сол
- 60 гр целер
- 100 гр кромид
- 1 зелено јаболко
- 35 гр путер
- 100 гр сланина
- 2 лажици сенф
- 50 мл ракија
- 330 мл сок од јаболко
- 175 мл пилешки булјон
- 10 гр рузмарин
- 100 гр кисела павлака
Подготовка:
Целерот исечкајте го на ситни коцки. Исечете го кромидот на половина, излупете го, па исечете го на полумесечини. Исечете го зеленото јаболко и излупете го, па исечете го на коцки. Загрејте ја тавата на средна температура и кога ќе се загрее додадете го маслото за јадење.
Посолете ги доикопаните и пржете ги на масло од сите страни додека не поруменат. Кога ќе поруменат, тргнете ги на страна и вратете ја тавата на средна температура. Додадете го путерот во тавата и кога ќе почне да пени додадете ги кромидот, целерот и сланината и пржете ги 5 минути со редовно мешање. Додадете ги јаболката и прелијте ја ракијата и намалете ја температурата на половина. Истурете го сокот од јаболко и пилешката супа, а потоа измешајте го сенфот.
Во тавче ставете ги докопаните и сите сокови, па ставете во рерна 17-20 минути и печете на 180°C. Извадете од рерна и ставете ги докопаните на чинија. Вратете ја тавата на силен оган и динстајте го сосот додека не се намали за половина. Рузмаринот грубо исечкајте го и измешајте го со павлаката, додадете го во преостанатиот сос, па вратете го пилешкото во тавата и динстајте на ниска температура минута-две.
