Касуле е старо француско јадење кое се прави со неочекувана комбинација на зачини, а е вистински деликатес за сите гурмани.
Јадењето касуле (cassoulet) потекнува од историскиот регион Окситанија на чиј јазик се вика касолет (caçolet). Денес важи за стар француски рецепт за јадење со грав и месо. Месо може да ставите по избор, оригиналниот средновековен рецепт е со месо од патка, гуска, свински колбаси и свинска кожа, а наш избор за овој рецепт се колбаси, пафлек и свинска кожа. Ова јадење се нарекува и храна за сиромашните бидејќи се прави од евтини состојки, а може да го нахрани целото семејство. Името го добило по садот во кој се приготвувало, кој се нарекува касола. Се става и сода бикарбона, што ги омекнува зрната и ги тера побрзо да се варат. Пробајте го овој средновековен рецепт и уживајте во уникатниот вкус.
- 500 гр бел грав
- 2 каранфилчиња
- 2 кромид
- 1 морков
- мајчина душица
- ловоров лист
- рузмарин
- жалфија
- прстофат сода бикарбона
- 1 лажица свинска маст
- 2 чадени свински кожи
- 600 гр чаден свински пафлек
- 6 лажици доматно пире
- 8 свински колбаси
- 1 чаден колбас
Потопете го гравот да отстои преку ноќ. Следниот ден измијте го, а во кромидот забодете каранфилче. Земете газа и ставете мајчина душица, ловоров лист, рузмарин и жалфија. Добро затворете. Во тенџере ставете ги гравот, кромидот, газата со зачини и морковот кој сте го излупиле и исечкале на 4 дела. Додадете сода бикарбона. Истурете вода, покријте и варете 4 часа. Кога водата ќе почне да се загрева, додајте ја свинската маст и извадете ја пената што се создала одозгора. Исечете ја чадената свинска кожа и ставете ја во тенџерето во кое сте ја полиле водата. Оставете да зоврие, па процедете и додадете ја во гравот. Исечете го чадениот свински пафлек и пропржете го, па додадете го исечканиот кромид. Додадете доматно пире и 2 големи лажичи вода во водата во која се вари гравот. Кога пафлекот е готов извадете ги целите парчиња кромид и морков. Додадете го пафлекот со целиот сос. Промешајте, па додадете го сечканиот чаден колбас, а потоа целиот свински колбас што сте го испржиле. Намачкајте ја хартијата за печење со путер, па ставете ја врз гравот. Добро напикајте, па печете во рерна на 150°C околу 2 часа. Послужете.