Премиерата на дванаесеттото продолжение од сагата со серискиот убиец Мајкл Маерс ќе се одржи во октомври 2021 година, потврди Universal Pictures.
Филмот заврши со снимање уште во ноември лани, а премиерата беше закажана за 16 месецов, но поради пандемијата е одложена за цела година и новиот датум е 15 октомври 2021.
Во режија на Дејвид Гордон Грин, „Halloween Kills“ е продолжение на „Halloween“ од 2018 година и 12-то продолжение на франшизата „Halloween“ која датира уште од 1978 година.
Во главната улога е Џејми Ли Кертис која по осми пат ја репризира улогата на Лори Строуд, сестрата на Мајк која е негова главна мета.
Своите улоги од 2018 ги репризираат и Џуди Грир, Енди Матичак, Кајл Ричардс, Ненси Стивенс и Чарлс Сајферс.
Поместувањето на „Halloween Kills“ предизвика поместување за една година и на наредното продолжение наречено „Halloween Ends“ чија премиера ќе биде на 14 октомври 2022.