Според најновиот извештај на World Wildlife Fund и Global Tiger Forum, бројот на тигри во природата е зголемен за прв пат во последните сто години, пренесува The Guardian.
Новите податоци велат дека број на тигри во шумите од Русија до Виетнам пораснал на околу 3.890 животни. Според пребројувањето во 2014 година само во Индија живеат 2.226 тигри во резерватите.
Од WWF појаснуваат дека ова е прв пат бројот на тигри да се зголеми од 1900 година, кога биле пребројани повеќе од 100.000 тигри. Потоа бројот на животните нагло опаѓа. Во 2010 година биле избројани 3.200 животни.
Најновиот попис покажува дека е зголемен бројот на тигри во Русија, Индија, Бутан и Непал.
