Ако подобро ја погледнете патничката кабина на авионот, можеби сте забележале дека на одредени места има нацртани триаголници. Дали сте се запрашале што тие значат?
Триаголниците можат да бидат црвени или црни по боја и секогаш се на исто ниво со крилата на авионот. Имено, доколку членовите на екипажот на авионот треба да ги проверат крилата, триаголниците им даваат до знаење дека најдобро можат да ги видат од тие точки.
Овој трик е особено корисен кога авионот треба да полета во текот на зимата за да се увери дека крилата се правилно одмрзнати, иако тоа прво го проверува екипажот на земјата.
Патничките седишта сместени под овие триаголници понекогаш се нарекуваат „седишта на Вилијам Шатнер“. Овој израз е преземен од една епизода на „The Twilight Zone“ во која Шатнер гледа гремлин на крилото на неговиот авион.
Ако сакате да направите совршена фотографија од небото и крилата, одберете го седиштето што се наоѓа под еден од овие триаголници, доколку компанијата со која летате ви дозволува да изберете откако ќе се качите во авионот.
