Украинската рап група Kalush Orchestra победи на овогодинешното издание на Евровизија со песната „Stefania“. Фронтменот Олех Псиук изјави за Sky News за што всушност се работи во нивната песна.
„Сите ја пееја нашата песна. Првично беше посветена на мајка ми, по која го доби името, но сега е песна за сите мајки“, изјави пејачот за песната која е ода на жените во која нараторот зборува за неговите убави спомени поврзани со неговата мајка.
Во песната се зборува за стареење, а атмосферата е носталгична. Нараторот разбира колку мајка му направила за него, тој е свесен за нејзините борби и за сето она низ кое поминала. На крајот од строфата се слуша приспивна песна.
Претходно, членовите на групата изјавија дека нивната песна „Stefania“ станала „украинска химна“.
Бидејќи песната е на украинска јазик, што е за пофалба за разлика од многуте англиски песни, ретко кој разбира за што всушност пее групата.
Ова се преведените зборови на песната:
„Стефанија мама, мама Стефанија
Полето цвета, а таа седи
Пеј ми една приспивна песна, мамо
Сè уште сакам да го слушнам твојот топол збор
Таа ме лулаше, ми даде ритам
И силата на волјата нема да ми се одземе, бидејќи таа ми ја даде
Таа веројатно знаела повеќе од Соломон
Секогаш ќе доаѓам кај тебе по скршени патишта
Таа нема да ме разбуди, нема да ме разбуди, во силни бури
Ќе земе две смокви од баба, како да се куршуми“.
