Бостон Селтикс победија со 133:128 против Индијана Пејсерс на стартот од финалето на Источната конференција.

Првиот дуел во серијата, кој се игра во четири добиени натпревари, му донесе предност на Бостон во битката за големото финале во НБА. Но, дуелот во „ТиДи Гарден“ донесе вистинска забава, возбудувања, грешки и одлични потези, а на крајот заврши по продолжение.
Дуелот беше драматичен од самиот почеток до крајот, а на крајот од регуларниот дел видовме вистинско лудило. Кошаркарите на Индијана по грешка на 10 секунди пред крајот ја подарија топката со водство од 117:114. Тоа го искористи Бостон.
Џејлен Браун постигна фантастична тројка за израмнување на натпреварот и го испрати во продолжение на помалку од 6 секунди до крајот на натпреварот.
"BANG! BANG! JAYLEN BROWN KNOCKS DOWN THE THREE TO TIE THE GAME!" - Mike Breen 🏀🎙️🔥🔥pic.twitter.com/GUqerIOXwn
— Awful Announcing (@awfulannouncing) May 22, 2024
Кога се играше продолжението, таму се појави вториот херој на Селтикс. Тоа е Џејсон Тејтум, кој постигна дури 10 поени во продолжението и му донесе победа на својот тим од 133:128.
Најефикасен беше Тејтум со 36 поени, додека Џру Холидеј постигна 28. Во победничкиот тим и Браун се истакна со 26 поени, додека кај гостите најефикасен беше Тајрис Халибртон со 25.
Jayson Tatum posts a double-double with 36 PTS and 12 REB (10 PTS in OT) in Game 1 to help the @celtics win the OT thriller!
— NBA (@NBA) May 22, 2024
Jrue Holiday: 28 PTS, 7 REB, 8 AST, 3 STL
Jaylen Brown: 26 PTS, 7 REB, 5 AST, 3 STL
Derrick White: 15 PTS, 6 REB, 9 AST
Game 2: Thursday, 8pm/et on ESPN pic.twitter.com/qHxiL7QuBX
Серијата продолжува во ноќта од четврток кон петок во 2 часот по полноќ (Arena Premium 1), додека во финалето на Западот играат Далас Маверикс и Минесота Тимбервулвс, кои вечер во 2:30 по полноќ ќе го одиграат својот прв натпревар од серијата. Директен пренос ќе има на Arena Premium 1.