Компанијата Ford официјално го потврди 24 септември како датум за претставувањето на моделот Puma ST.
Првиот тизер за Puma ST беше објавен во мај годинава, а потоа Ford се фокусираше на други активности. Сега компанијата објави нов, многу забавен тизер со кој го потврди и датумот за промоција.
Краткиот видеоклип објавен на Twitter нуди малку детали за ентериерот и екстериерот на моделот, во мис со реакции на луѓето вклучени во развојот на Puma ST.
Оваа кросовер „ѕверка“ ќе понуди комбинација од возбудливоста на моќниот хечбек и практичноста на малиот кросовер.
Базиран е на моделот Fiesta, а ќе го придвижува 1,5-литарски трицилиндарски мотор со турбополнач кој развива 198 коњски сили и максимален вртежен момент од 290 Nm.
Се очекува да постигнува забрзување од 0 до 100 км/ч за шест секунди.
Puma ST на европскиот пазар ќе стигне подоцна годинава, а единствен директен ривал ќе ѝ биде Volkswagen T-Roc кој има 2,0-литарски TSI мотор од 190 КС.