Овие зачинети докопани се вистинско гурманско јадење кое можете да го послужите пред гости, без страв дека нема да им се допадне.
Потребни состојки:
- 8 пилешки докопани
- 1 стебленце млад кромид или власец
- 3 црвени лути пиперчиња
- 3-4 (големи) чешниња лук
- 2 лажици соја сос
- 1 лажица оцет
- 1 лажица мајонез
- сол
- бибер
за преливот:
- 2 лажици растопен путер
- ½ лажичка мед
- 1 лажичка сусамово масло
- сок од ¼ лимета
за посипување:
- сусам
- млад кромид
Подготовка:
Копаните исчистете ги одс кожа и коски. Измијте и исечкајте го зеленчукот, а потоа измешајте ги зеленчукот и зачините во сад, па додадете мајонез, оцет и докопаните. Убаво измешајте ги за да се натопат во смесата.
Вклучете ја рерната на 200°C и печете ги докопаниите 20-30 минути, превртувајќи ги на половина од времето за печење. Кога ќе ги извадите, прелијте ги со претходно подготвениот прелив и посипете со сусам и млад кромид или власец.
