Интересен проект на Nardone Automotive базиран на Porsche, кој не се крие зад бројот 911, доаѓа на сѐ попопуларната рестомод сцена.
Со помош на дизајнерскиот тим Borromeo/Da Silva, кој го „потпиша“ извонредниот рестомод проект на Amos заснован на Lancia Delta Integrale, Nardone го обнови и модифицираше Porsche 928, кој се произведуваше од 1978 до 1995 година и првично беше замислен како модел кој целосно ќе го замени бесмртниот 911.
И Nardone 928 е придвижуван од атмосферскиот V8 мотор на Porsche, кој во последното фабричко издание (928 GTS) развиваше 350 коњски сили и 500 Nm максимален вртежен момент, а со подобрувањата под долгата предна хауба на Nardone ветува околу 400 коњи за чија дистрибуција на задната оска е задолжен новоразвиениот 6-брзински мануелен менувач.
Возачот на рестомодот Porsche 928 на располагање ќе има адаптивна суспензија и ограничена брава на диференцијалот, а таквите проекти обично доаѓаат со бандажи со многу поголем дијаметар во ретро дизајн со актуелни гуми, карбонски панели на каросеријата, LED светла и модерни мултимедијални системи компатибилни со различни апликации.
Публиката на Nardone 928 ќе може да ја види премиерата на Goodwood Speed Festival во Велика Британија, почнувајќи од 23 јуни, а првите клиенти во нивните примероци ќе може да седнат во 2024 година.