Очекуваното заминување на Серхио Рамос во ПСЖ сепак ќе се одложи малку бидејќи двете страни сѐ уште не постигнале договор за должината на договорот за стоперот.
Иако заминувањето на Серхио Рамос во ПСЖ изгледаше како завршена работа, француските медиуми сепак пренесуваат дека сѐ уште не е постигнат договор. Имено, Le10 Sport наведува дека доаѓањето на актуелниот капитен на Реал во Париз е попречено од разликите во желбите во однос на времетраењето на договорот.
ПСЖ, наводно, му понудил на Шпанецот само едногодишен договор, додека Рамос сака да соработува на две години, а доколку Леонардо како спортски директор на ПСЖ не се согласи, се доведува во прашање целата зделка.
Платата, според овие тврдења, не претставува проблем, но очигледно e дека возраста на шпанскиот стопер е точката околу која ПСЖ се двоуми за повеќегодишен договор. Покрај ПСЖ, како опции за 35-годишниот Рамос се споменуваат Манчестер Сити и Јунајтед, како и Баерн.
Од особен интерес е понудата на Сити, која вклучува играње за Њујорк Сити кој е дел од истата корпорација.
